Istoria TL hatudu katak uluk TL mos sai refujiadu ba nasaun seluk, maibe ne’e la signifika katak agora TL prontu sai sentru refujiadu ba nasaun seluk nebe husu azilu politiku. Tamba tuir ema hotu nia hanoin kondisaun TL la hanesan ho nasaun sira nebe ukun a’an tinan barak ona. 
Maske hetan kritika husi ema barak, maibe pozisaun Governu no Estadu TL sei hein proposta konkreta husi Governu Australia.
Tuir Prezidenti Republika (PR), Jose Ramos Horta, prob lema ne’e seidauk iha dialogu ho Governu Australia, tamba dadaun ne’e Australia sei iha hela elisaun nia laran. Hanesan nasaun nebe demokratiku, se kuandu iha elisaun se la iha dialogu no akordu foun ruma.  
“ Dadaun ne’e iha elisaun iha Australia, i kuandu iha elisaun, governu nebe iha neba sei koalia, iha ne’e ita bolu dehan governu de jestaun, kuandu iha ona elisaun lao dadaun, labele halo akordu foun, labele halo negosiasaun,” dehan PR Horta, iha salaun Prezidenti Nicolao Lobato, Kuarta (4/8).
PR Horta hatuan, dadaun ne’e TL sei hein hela governu foun nebe eleitu, se hakarak loke fali negosiasaun no dialogu ho TL konaba asuntu ne’erasik, no pozisaun PR Horta no PM Xanana Gusmão, nafatin ho razaun umanitaria.
Tamba ne’e, TL se la se kotuk no taka dalan ba ema nebe halai husi funu no violensia, maske nune’e to’o agora TL seidauk fo resposta konkreta ba prosesu ne’e tamba seidauk simu propos ta konkreta husi Australia.
“ Ita prontu atu koalia, maibe TL seidauk fo resposta. Fo resposta ne’e hanesan luz verde, ne’e perguntas barak tebes, kondisaun barak tebes, Australia tenki fo resposta, Komunidade Internasional tenki fo resposta, ONU fo resposta, tantu buat ne’e laos simples,” dehan tan PR Horta.
Simples katak PR Horta mak Timor nunka se kotuk ou taka odamatan ba ema nebe halai husi violensia, maibe atu loke odamatan responsabilidade laos Timor nian deit, maibe komunidade Internasional mos. Obrigasun Komunidade Internasional maka buat sira ne’e hotu iha, depois TL foin bele hateten, ok entaun TL bele simu.
Nun’e mos, Vise Primeiru Ministru Asuntu Sosial, Jose Luis Guterres, hafoin halao inkontru ho PR Horta, ba jornalista sira hateten, konaba asuntu refujiadu iha komisaun ida maka sei deskute hela, no sei hein governu foun Australia eleitu maka sei kontinua prosesu ne’e.
“ Sobre asuntu nebe intermos politika interna, Australia sira ohin elisaun, hanesan PM hateten katak asuntu ne’e hanesan komisaun ida maka sei deskute hela, i depois se hare wainhira Governu foun Australia nian eleitu, konserteja ke prosesu ne;e sei kontinua,” dehan Jose Luis hafoin halao inkontru ho PR Horta, iha Palasiu Prezidenti Nikolao Lobato, Kinta (5/8).
Prosesu ne’e katak, Jose Luis tuir PR Horta sei liu mos husi buat ida naran Bali Proses, maibe ne’e hanesan reuniaun ida nebe ema hotu-hotu partisipa, nebe liga liu ba trafiku umana de pesoas, inklui konaba refujiadu. 
V-PM Jose Luis hatutan, asuntu ne’e sei remata wainhira Governu foun husi Australia aprejenat ona sira nia proposta, tamba asuntu ne’e hanesan asuntu regional, konserteja ho prosesu Bali, tamba sei rona mos konaba asuntu nebe Australia sira propoin.
“ hau hare asuntu ne’e sei remata, wainhira Governu foun husi Australia aprejenta proposta, tamba buat ne’e asuntu regional ida serteja ke Bali proses mos sei rona sobre asuntu nebe Australia sira propoin atu rezolve problema ne’e trafiku umanu,” tenik Jose Luis.
Nia mos sublinha liu tan katak PR Horta hanesan laureadu nobel da paz, nia sei la se kotuk ba ema sira nebe halai husi violensia, maibe governu foun Australia sei fo sira nia ideias. Laos TL deit maka sei sai sentru refujiadu, maibe se iha tan pais ida naran Auro, uluk Australia halo tiha ona sentru refujiadu iha neba, sira mos hanesan disponibilidade para simu tan sentru ida ne’e.
Hatan konaba asuntu ne’e rasik hetan kontra husi ema barak ho ideias oi-oin, Jose Luis hateten ne’e hanesan ideia husi ema ida-idak nian, tamba ne’e sira sei respeita no tau hamutuk ideia sira ne’e, ne’e hanesan institusaun ida iha rai laran, konsulta malu, respeita malu, nia serteja ke tantu PR, Governu no PN, hola parte iha komunidade internasional. “Mas tambem ita mos iha interese Nasionais, interese povo TL nian,” hakotu Jose Luis.par/jay

• Tweet
• Share

---