Prezidente Republika Jose Ramos Horta fo ona  luzu verde ba prosposta Australia, hodi husu governu Timor Leste  atu  koalia ona asuntu  nee ho governu Australia.  Maibe husi parlamentu Nasional nudar orgaun nebe sei aprova tratadu nee seidauk fo luxu verde. Hodi nunee pedidu Australia nian kontinua sai polemika iha rai laran.
Portavos Bankada CNRTm Aderito Hugo da Costa, husu  Prezidente Republika Ramos Horta atu lalika halo  komentariu barak ba pedidu Governu Australia nian. No husu PR Horta lalika tan tau kanuru tohar  ba  pedidu Australia nian tanba kestaun ne’e kompetensia governu hanesan orgaun ezekutivu. “Diak liu PR Horta hatene nia  aan. Tanba buat hotu kona ba tratadus, ne’e kompetensia governu nian,” dehan Hugo ba STL Kinta (21/10).
Foin lalais Ministru Imigrasaun no Sidadania Australia Crish Bowen halo vizita mai TL atu konfirma sira pedidu Primeiru Ministru Julia Gilliard ba lideransa estadu TL. PN fo pozisaun mantein kontra tanba hasai tiha ona rezulusaun nee hodi la fo fatin ba Australia  hodi  monta sentru prosesamentu ba refuziadus husi azilio politika internasional.
PR Horta  hafoin hasoru malu ho Bowen deklara sei hare posibilidade atu konvense povu  halo dialogu ba opsaun Australia nian.  “Ida ne’e nunka karik bele akontese mos. Ne’e kompetensia governu atu debate. PR Horta labele gosta kria konfuzaun ba separasaun de poderes,” dehan tan nia.
PR Horta  katak Hugo tenke tau konsiderasaun ba rezulusaun ne’ebe  konduz ona katak sei la fo fatin ba opsaun ne’e. Tanba ne’e nia sujere ba PR Horta  diak liu trata asuntu seluk duke lakon tempu ba buat ne’ebe laos nia kompetensia.
Parte seluk ba opsaun Australia nian Hugo konsidera hare husi relasaun diplomatiku, TL bele konsidera diak tanba hare ba relasaun   amigavel tebes. Maibe kestaun ne’e labele sai fali hanesan obrigasaun ba TL hodi simu pedidu  Australia situasaun atuais TL ladun favorese ba pedidu.  “Maneira ne’e mos ladun diak ida tanba hanesan fali soran ita nia lideransa sira atu atinji sira nia interese,” argumenta Hugo.
Xefi bankada Fretilin Aniceto Guteres hateten,  nia bankada pronto  halo negosiasaun ba kestaun ne’e sei  bainhira  governu prontu loke diskusaun.
Realmente PN aprova ona rezulusaun ho pozisaun kontra masimu ba pedidu Australia nian. Maibe, se governu hanesan orgaun ezekutivu hare karik TL bele hetan benifisiu ruma husi opsaun ne’e, Fretilin prontu fo apoiu. “Karik Governu hare ita bele iha vantajen ruma , it abele negosia tok. Mas sela’e depende ba governu,” komenta Aniceto iha PN.
Maske nune’e, nia parte rezeita makas se vantazen ne’e liga fali ba negosiasaun Greater  Sunrise. “ Ida ne’e kestaun seluk ida tanba GS ne’e ita nian. Ne’ebe laiha negosiasaun katak tenke mai TL,” dehan Aniceto. qdy

• Tweet
• Share

---