Tuir komunikadu ne’ebe STL asesu katak, Chris sei halao vizita durante loron ida tomak iha TL hodi koalia ho lideres bankada tomak inklui pedidu governu Australia atu monta fatin prosesamentu  refujiadus ajilio politiku (red. Suaka politik) iha TL. Ministru Chris Bowen MP sei halo mos vizita  ba nasaun Indonesia no Malaysia hodi koalia asuntu hanesan.
Kestaun hanesan informa husi Sekretaria Meza PN Maria Terezinha Viegas hafoin reuniaun lideres bankadas ba jornalista sira hateten, sorumutu entre Palamentu Nasional ho Ministru Bowen ne’e sei hala’o iha sala konferensia Parlamentu  hahu iha tuku 14: 30 Otl to’o remata.
Maibe, Maria Teresinha informa katak  realmente meja inklui lideres bankadas sira seidauk hatene sorumutu ne’e ba asuntu saida.
PN rasik antes ne’e fo ona pozisaun kontra makas ba pedidu Australia nian liu husu halo rezulusaun ne’ebe publikada iha Jornal da Republika ho votus unanimidade.
Rezulusaun ne’e obriga governu atu tenke fo pozisaun kontra ba pedidu Australia nian ho razaun TL intermus estabilidade seidauk bele atu atende ba kestaun ne’e.
Entertantu Ministru Chris Bowen, liu husi komunikadu imprensa hateten katak Governu Australia iha komitmentu bá koperasaun ne’ebé forte ho nasaun vijiñu sira iha rejiaun laran kona-ba  trafiku humanu no segunsa fronteira.
Enkontru nébé hala’o ne’e, tuir Bowen katak, sei inklui hari’i aprosimasaun ida ne’ebé kompresivu bá fatin prosesamentu ema katak buka bá azivu ninian, ho koperasaun husi parseirus rejional no organizasaun internasional hirak ne’ebé relevante.
“Ita koalia mak atu buka solusaun bá trafiku humanu hamutuk ho ita nia parseirus prinsipal iha rejional no organi zasaun internasional,” komenta Ministru Chris Bowen. qdy

• Tweet
• Share

---